ဝေသာလီခောတ်ကျောက်စာတချပ်မှဘာသာပြန်ဆိုခြင်း

မြောက်ဦးမြို့လက်ဆည်ကန်မြို့ရိုးတံခါးပေါက်ကိုသန့်ရှင်းရေးလုပ်ရာမှတွိ့ဟိရေဆိုပနာရွီးထား

စွာကိုတွိ့ဟိရပါရေ..

ကျောက်စာကိုတံခါးပေါက်၏တောင်ဘက်မျက်နှာလက်ယာဘက်တံတိုင်းပေါ်မှာတွိ့ဟိခရစွာဖြစ်ပီး
ကေကျောက်စာရွီးထိုးထားရေကျောက်တုံးအရှည်မှာ ၁ပေနန့်၁လက်မ ၊အမြင့်၆ လက်မဟိပီးကေ

စာလုံးရွီ ၄၄ လုံးရွီးထိုးထားစွာကိုတွိ့ဟိရပါရေ..

တံတိုင်းပေါ်မှာရွီးထိုးထားခြင်းဖြစ်ပြီး ရေဓမ္မာဂါထာတော်ဟာထေရါဒဗုဒ္ဓဘာသာရဲ့အဆီအနှစ်ဂါထာတော်တစ်ပုဒ်

ဖြစ်ကြောင်းရွီးထားစွာကိုတွိ့ရပါရေ... ပဉ္စ၀ဂ္ဂီ ငါးဦးမှာတစ်ဦးအပါအ၀င်ဖြစ်သောရှင်အဿဇိမထေရ်ကရှင်သာရိပုတ္တရာအလောင်းကိုဗုဒ္ဓတရားတော်အဆီအနှစ်ကို အ

ကျဉ်းချုပ်ပြီးဟောပြောတော်မူသောဂါထာတော်ဖြစ်တေဆိုစွာသိရှိရကြောင်းရွီးထားစွာကိုတွိ့ရပါ

ရေ... ဂါထာတော်ရဲ့အနက်က..
"ဗုဒ္ဓမြတ်စွာဘုရားသည်ရှေးကပြုခရေအကြောင်းတရားကြောင့်ဖြစ်ပေါ်လာကုန်သောအကျိုးတရားရို့ကိုဟောတော်မူ၏ ထိုအကြောင်းအကျိုးတရားတို့၏ချုပ်ငြိမ်းရာတရားတို့ကိုလည်းဟောတော်မူ၏ ။

ဗုဒ္ဓမြတ်စွာဘုရားသည်ဤသို့သောအယူရှိတော်မူ၏ " ။
လို့အဓိပ္ပာယ်ရကြောင်းကိုရွီးသားထားစွာကိုတွိ့ဟိရပါရေ..

မှက်ချက်..
ကျောက်စာဘာသာပြန်သာပြန်သူနန့်သတင်းပီးပို့ရေသူကိုရွီးသားထားခခြင်းမဟိပါ..

ကျောက်စာပညာရှင်နန့်ရက္ခိုင်သမိုင်းကိုစိတ်ဝင်စားရေမိတ်ဆွေရို့အတွက်
အထောက်အကူတခုပြုလိမ့်မေလို့ယူဆပါရေ ..

ဇင်ယော်ချေမျှော်လင့်ခြင်းများစွာဖြင့်အသက်တိရှင်နီယင်း

Read more...

ရခိုင်သူမြတ် နှင့် လောကသာရပျို့

ရခိုင်သူမြတ်သည်ရခိုင်ဘုရင်မင်းထီးလက်ထက်(အေဒီ၁၂၈၃)မြန်မာသက္ကရာဇ်(၆၄၅)တွင်ထင်ယှားခရေရဟန်းပညာရှိပုဂ္ဂိုလ်တစ်ပါးဖြစ်သည်။သက္ကရာဇ်(၆၈၈)တွင်မင်းလျှင်စောသည်။
မစ္ဆဂီရိသရက်မြို့ကိုတည်၍နေထိုင်ခလေသည်။သက်လူမျိုးရို့အုပ်စိုးသောကြောင့်သက်မင်းလျင်စောဟုနာမတွင်သည် ။ ၄င်းတွင် စောစုံ၊စောဖြူ ၊စောတူဟူသောသားတော်သုံးပါးဟိခလေသည်။
သက်ရို့သည်အင်အားကောင်းလာသောအခါ၌ရခိုင်ရိုးမတောင်စိုင်၊တောင်တန်းကျေးရွာများသို့
လားရောက်တိုက်ခိုက်လီရာရခိုင်ဘုရင်မင်းထီးသည် အမတ်ကြီးရာဇစည်သူသင်္ကြန်ကိုစေလွှတ်၍
သရက်မြို့ကိုသိမ်းခိုင်းခဲ့လေသည် ။ သက္ကရာဇ်(၆၉၅)တွင်အမတ်ကြီးရာဇစည်သူသည်စစ်သည်၊ဗိုလ်ပါများနန့်ရခိုင်ရိုးမကိုကျော်ဖြတ်၍သက်မင်း
လျင်စောအား သားတော်သမီးတော်၊မိဖုရားမောင်းမနန့်တကွရက္ခိုင်သို့ခေါ်ဆောင်ခလေသည် ။
ရက္ခိုင်ဘုရင်မင်းထီးစွာသက်မင်းလျင်စောအားကောင်းစွာချီးမြှင့်မြှောက်စားထားခသည်။ထိုအခါမင်းလျင်စောသည် သူ၏သားတော်များအား ပိဋကတ်ဗေဒင်အရာကျွမ်းကျင်တတ်မြောက်ရေ ရခိုင်သူမြတ် 'ဆရာတော်ထံ'အပ်နှံသင်ကြားစေခဲ့သည်။ မင်းသားသုံးပါးသည်ပိဋကတ် ၊ဗေဒင်သင်၍တတ်မြောက်လျှင်ဆရာရခိုင်သူမြတ်သည်ဤကဲ့သို့သောအိမ်မက်ကိုမြင် မက်လေ၏ ။
နောင်တော်ကြီးစောစုံသည်စမုန်မြစ်ရီကိုသောက်၍ကုန်သည်ဟုမြင်မက်၏ ။ညီလတ်စောဖြူသည်
ဖိုးဦးမော်ရီကို၎င်း ၊ညီတော်အငယ်စောတူသည်အ၀မြစ်ရီကိုသောက်၍ကုန်သည်ဟု၎င်းမြင်မက်လေသည်။
ဆရာရခိုင်သူမြတ်လည်းမင်းသားသုံးပါးကိုခေါ်၍မင်းသားရို့စစ်ကိုင်းပင်းယသို့လားကေမင်းဖြစ်လတ္တံ ၊ဆိုပနာမိန့် တော်မူခလေသည် ။ညီနောင်သုံးပါးရို့လည်းဆရာရခိုင်သူမြတ်စေလွှတ်သည့်အတိုင်းသက္ကရာဇ် (ရ၀၅)ခုတွင်အရှိပြည်သို့လားပနာစစ်ကိုင်း၊ပင်းယသို့ရောက်လျှင်စောစုံသည်မြင်းစိုင်းကိုစားရ၏ ။စောဖြူစွာပြည်မြို့ ကိုစားရလေ၏ ။စောတူသည်အမြင့်မြို့ကိုတရဖျားစောကဲဆိုရေအမည်ဖြင့်စားရသည် ။ နောင်အခါအမြင်စား တရဖျားစောကဲ အမည်ဖြင့်မင်းဖြစ်လေသည် ။မင်းဖြစ်၍ ၁၆နှစ်ခန့်ကြာမြင့်လတ်ရေအခါတရဖျားစောကဲမင်းကြီးသည်မိမိငယ်ဆရာဖြစ်ခဖူးသော ရခိုင်သူမြတ်ကိုသတိရမိလျှက်အင်းဝနေပြည်တော်သို့ပင့်ဆောင်ပနာ"မဟာသင်္ဃရာဇာ"ဟူသော
ဘွဲ့တဆိပ်ဖြင့်ကပ်လှူပူဇော်ပနာ ကိုးကွယ်တော်မူခကြောင်းရွီးသားထားခစွာကိုတွိ့ဟိရပါရေ။
ထိုမဟာသင်္ဃရာဇာဘွဲ့ကိုခံယူတော်မူသောရခိုင်သူမြတ်သည်မင်းလောင်းသုံးပါးကိုစာပီပို့ချ စိုင်အခါကလောကသာရပျို့ကိုစီကုံးကာမင်းသားရို့အားသင်ကြားပီးခရေဆိုစွာကိုရွီးသားထားစွာကိုတွိ့ရပါရေ၊
လောကသာရပျို့မှာအမျိုးလေးပါးကိုဆုံးမရေအခန်းများပါရှိ၍ရခိုင်စာပီလောကမှာအကောင်းဆုံး
နန့် အဟောင်းဆုံးစာပီမှာပါဝင်ရေကြောင်းကိုဦးအောင်သာဦး(၀တီလေးရပ်ပေါင်းစည်းအပ်သောရက္ခမဏ္ဍလ)ရခိုင်ရာဇ၀င်တွင်ရခိုင်ရာဇင်သစ်ကျမ်း(ဦးစန္ဒမာလာလင်္ကာရ) ကိုကိုးကားပြီးရွီးသားထားစွာကိုတွိ့ဟိရပါရေ။
ရှိးရခိုင်ရိုးရာစိုင်ဆက်ဘုန်းတော်ကြီးကျောင်းသင်အံခရသောပျို့ကဗျာဖြစ်သည်။ရခိုင်ကျောက်စာပီအရွီးအသား ၊ဒင်္ဂါးစာအရွီးအသားဖြစ်သောရက္ခ၀ဏ္ဍအက္ခရာဖြင့်ရွီးသားထားသည်။ပရပုတ် ဟုခေါ်ဆိုသည့်ဤစာမူကို၎င်း
၏လက်သုံးစာမူဖြစ်သည်ဟုစာမူပိုင်ကျောင်းတကာကြီးထံမှသိရသည်၊(ထွန်းရွှေခိုင်-မဟာဝိဇ္ဇာ)
လောကသာရဖျားဟုအဖုံးတွင်ရွီးသားထားသည်။
"က" အချပ်ပျောက်ဆုံးနီ၍ " ကာ " မှ" ကဲ " အားလုံး၁၃မျက်နှာပါရှိပါရေ။
အဖုံးတွင်ပါရှိရေ"လောကသာရအဖျားဟုဆိုသည်မှာပထမပိုင်းအဆုံးကိုဆိုလီဟန်တူပါရေ၊
ရခိုင်ရှိဟောင်းကျမ်းရို့တွင်ပထမပိုင်းစာအစကိုအရင်းဟုခေါ်တွင်၍အဆုံးကိုအဖျားဟုခေါ်သည်
ဟုရွီးသားယှင်းလင်းထားစွာကိုတွိ့ရပါရေ။

ဇင်ယော်

မှတ်တမ်းတင်ခွင့်ရဟိခရေစာအုပ်တိက...


၁။ရက္ခိုင်ရာဇ၀င်သစ်ကျမ်း(ရမ်းပြည့်တောင်ကျောင်းဆရာတော်ဘုရားကြီးဦးစန္ဒမာလာလင်္ကာရ)
သက္ကရာဇ်၁၂၉၃ခုကဆုန်လတွင်ဟံသာဝတီပိဋကတ်ပုံနှိပ်တိုက်၊အမရပူရ(၀ါ)မန္တလေး

၂။ထွန်းရွှေခိုင်(မဟာဝိဇ္ဇာ)ရခိုင်စာဆိုတော်များ ၁၉၉၁ ခု

၃။ဦးအောင်သာဦး(၀တီလေးရပ်ပေါင်းစည်းအပ်သောရက္ခမဏ္ဍလရခိုင်ရာဇ၀င်(၂၀၀၈ ဒီဇင်ဘာ၃၁)

ရက္ခိုင်ရာဇ၀င်တိကိုလေ့လာရင်းတွိ့ဟိစွာတိကိုမှတ်တမ်းတင်ကာသိမ်းဆည်းခခြင်းရာဖြစ်ပါရေ..

Read more...

လောကသာရပျို့ ရခိုင်သူမြတ်

မြန်မာစာပီ၏အသက်ဖြစ်တေ့ရက္ခ၀ဏ္ဏအက္ခရာတီထွင်ကာရခိုင်စာဆိုတော်များသည်ရတု၊ရကန်၊

အဲအံ၊သာခြင်းနှင့်အမျိုးမျိုးသောပျို့ကဗျာများကိုဖွဲ့နွဲ့သီကုံးခဲ့ကြသည်။မြန်မာစာပီလောကတွင်

စောပြည့်ညိုမင်းသမီးရေးစပ်သည့်သိန်ကန်မိန်တွင်(၁၂)ခွင်ချီရတု၊အဒူမင်းညို၏ရခိုင်မင်းသမီးဧချင်း၊

ရခိုင်သူမြတ်၏လောကသာရပျို့နှင့်အမတ်ကြီးဥက္ကာပျံ(၀ါ)ရာဇသင်္ကြန်၏ ဥက္ကာပျံရတုတို့မှာအဟောင်း

ဆုံးနှင့်အကောင်းဆုံးအဖြစ်ထင်ရှားသည် ဆိုပနာရခိုင်ရာဇ၀င်သစ်ကျမ်းကိုကိုးကား၍ ဦးအောင်သာဦး

(ရက္ခမဏ္ဍလရက္ခိုင်ရာဇ၀င်)တွင်မှတ်တမ်းအဖြစ်တွိ့ဟိရပါသည်။

လောကသာရဆုံးမစာ

အသက်ရှည်စွာ၊ အနာမဲ့ကြောင်း

ကောင်းလှစီချင်၊ ပဲ့ပျင်နိစ္စ

ကွပ်ဆုံးမသား၊ မိဘဆရာ

စကားနာ၍၊ ကျမ်းစာသိမြင်

တတ်အောင်သင်လော့၊ ပေါ်လွင်မပြု

ကောင်းရာတုလျှက်၊ ကောင်းမှုမြတ်နိုး

ကောင်းအောင်ကြိုး၍

ကောင်းကျိုးကိုယ်၌ တည်စီမင်း --။


မိခင်ဖခင်၊ ကျေးဇူးသျှင်ကို

ချစ်ခင်မြတ်နိုး၊ ဂူပုထိုးသို့

ရှိခိုးဦးတင်၊ ကြည်လင်မြတ်လေး

လုပ်ကျွေးခယ၊ ရိုတုပ်ကွလျှက်

ကြီးလှသက်အို၊ မျိုးဆွီကိုလည်း

ကြည်ညိုညွတ်တိမ်း၊ ပိုက်ထုပ်သိမ်း၍

မယိမ်းစင်းလျင်းငြိမ်းစီမင်း --။


ထုံးမှီးနည်းနာ၊ အဖြာဖြာ၌

ပညာရှာမှီး၊ မကြီးသက်ရွယ်

အငယ်သော်က၊ ကြိုးလုံးလလျှက်

တုပ်ကွပုဆစ်၊ ဆရာစစ်သို့

ကြောက်ချစ်ရိုသီ၊ စာပီတတ်ကြောင်း

တချောင်းချောင်းလျှင်၊ ငြိမ်အောင်းသည်းခံ

ဆရာထံ၌၊ သင်အံမှတ်သိ

တနိတခြား၊ ပွားများစုံစီ

ဝမ်းထဲခွီ၍၊ တလီတထူး၊ ဂုဏ်ကျေးဇူးကို

ဆည်းပူးသိမြင်ကြွယ်စီမင်း --။

(ရခိုင်သူမြတ်)

ကျမ်းကိုး..

ရခိုင်ရာဇ၀င်သစ်ကျမ်း(ရမ်းပြည့်မြို့တောင်ကျောင်းဆရာတော်ကြီးဦးစန္ဒမာလာလင်္ကာရ)

Read more...